ਸਾਡੇ ਬਾਰੇ

ਸ਼ਬਦ ਅੰਬਰੋਸੀਆ ਤੋਂ ਕੀ ਭਾਵ ਹੈ?

1) ਅਸੀਂ ਨਿਮਨ ਭਾਸ਼ਾਵਾਂ ਵਿਚ ਸੰਪਾਦਨ ਅਤੇ ਸਮੀਖਿਆ ਦੀਆਂ ਕਸਟਮ-ਡਿਜ਼ਾਇਨ ਸੇਵਾਵਾਂ ਮੁਹੱਈਆ ਕਰਦੇ ਹਾਂ:

• ਅੰਗ੍ਰੇਜ਼ੀ
• ਹਿੰਦੀ
• ਪੰਜਾਬੀ

2) ਸਿੱਖਣ, ਪ੍ਰੇਰਣ ਅਤੇ ਹੌਸਲਾ-ਅਫ਼ਜ਼ਾਈ ਕਰਨ ਵਾਲੀਆਂ ਗੰਭੀਰ ਸਾਹਿਤਕ ਕਿਰਤਾਂ ਨੂੰ ਸ਼ੇਅਰ ਕਰਨ ਲਈ ਇੱਕਤਰ ਹੋਏ ਸੱਜਣਾਂ ਲਈ ਇੱਕ ਖੁੱਲ੍ਹਾ ਮੰਚ ਮੁਹੱਈਆ ਕਰਨਾ.

ਦੂਰ ਦ੍ਰਿਸ਼ਟੀ:

ਉਨ੍ਹਾਂ ਸੱਜਣਾ ਲਈ ਇੱਕ ਸਾਰਥਕ ਕੜੀ ਅਤੇ ਬਹੁ-ਭਾਸ਼ਾਈ ਸੰਵਾਦ ਦਾ ਇੱਕ ਪ੍ਰਮੁੱਖ ਆਊਟਲੈੱਟ ਬਣਨਾ, ਜੋ ਸਾਹਿਤਕ ਵਿਕਾਸ ਦੁਆਰਾ ਮਾਨਸਿਕ, ਭਾਵਨਾਤਮਕ ਅਤੇ ਰੂਹਾਨੀ ਤੋਰ ਤੇ ਊਰਜਤ ਹੋਣ ਦੇ ਚਾਹਵਾਨ ਹਨ।

ਕਿਓਂ:

“ਸ਼ਬਦ ਅੰਬਰੋਸੀਆ” ਦੀ ਮਾਰਫ਼ਤ ਮੈਂ ਇੱਕ ਡੁੰਘੇਰਾ ਅਤੇ ਨਿੱਜੀ ਕੁਨੈਕਸ਼ਨ ਸਿਰਜਣ ਦੀ ਇੱਛਾ ਰਖਦੀ ਹਾਂ । ਸਾਹਿਤਕ ਤਾਲੀਮ ਅਤੇ ਆਪਣੀਆਂ ਪ੍ਰਮਾਣਿਕ ਕਿਰਤਾਂ ਰਾਹੀਂ ਆਪਣੀਆਂ ਬੁਨਿਆਦੀ, ਖਾਲਸ, ਕਮਜ਼ੋਰ ਅਤੇ ਕਦੇ-ਕਦੇ ਹਨੇਰੀਆਂ ਭਾਵਨਾਵਾਂ ਨੂੰ ਖੁਲ੍ਹਮ-ਖੁਲ੍ਹਿਆਂ ਦਰਸਾਉਣ ਦੀ ਅਭਿਲਾਸ਼ਾ ਰਖਦੀ ਹਾਂ ।

ਮੈਂ ਇਨ੍ਹਾਂ ਊਰਜਾਵਾਂ ਨੂੰ ਨਿਸ਼ੰਗ ਅਪਣਾਇਆ ਹੋਇਆ ਹੈ । ਮੈਨੂੰ ਦੂਜਿਆਂ ਲਈ ਇੱਕ ਪ੍ਰੇਰਣਾ-ਸ੍ਰੋਤ ਅਤੇ ਹੌਸਲਾ-ਅਫ਼ਜ਼ਾਈ ਦਾ ਮਨੁੱਖੀ ਵਸੀਲਾ ਬਣਨ ਦੀ ਇਜਾਜ਼ਤ ਦੇਵੋ । ਆਪਣੀਆਂ ਕਿਰਤਾਂ ਦੀ ਸੁਗੰਧ ਰਾਹੀਂ ਮੈਂ ਦਿਆਲਗੀ, ਪਿਆਰ, ਵਿਸ਼ਵਾਸ, ਸਹਿਣਸ਼ੀਲਤਾ, ਸਥਿਰਤਾ ਵਰਗੀਆਂ ਬੇਸ਼ਕੀਮਤੀ ਅਮੂਰਤ ਵਸਤਾਂ ਨੂੰ ਤੁਹਾਡੇ ਤੀਕਰ ਪਹੁੰਚਾਉਣ ਲਈ ਹਮੇਸ਼ਾਂ ਤਤਪਰ ਹਾਂ । ਇਲਮ, ਵਿਕਾਸ , ਵੱਧ ਰਹੀ ਜਾਗਰੂਕਤਾ, ਸ਼ਬਦਾਂ ਰਾਹੀਂ ਨਿਰੰਤਰ ਸਵੈ ਪੁਨਰ-ਸਿਰਜਣਾ ਦੀ ਸੰਵੇਦਨਾ ਹੀ ਮੈਨੂੰ ਇਸ ਪਲ ਇਥੇ ਲੈ ਆਈ ਹੈ: ਸ਼ਬਦ ਅੰਬਰੋਸੀਆ

ਸ਼ਾਲਾ ! ਇਹ ਸ਼ਬਦ ਤੁਹਾਡੀ ਹਸਤੀ ਅਤੇ ਰੂਹ ਦੋਵਾਂ ਨੂੰ ਹਮੇਸ਼ਾਂ ਲਈ ਮਾਲਾਮਾਲ ਅਤੇ ਬੁਲੰਦ ਕਰ ਦੇਵੇ !

ਕੇਂਦਰੀ ਕਦਰਾਂ ਕੀਮਤਾਂ:

“ਸ਼ਬਦ ਅੰਬਰੋਸੀਆ” ਪੂਰੀ ਇਮਾਨਦਾਰੀ ਨਾਲ ਤੁਹਾਡੇ ਤਕ ਖਰਾ ਅਤੇ ਖਾਲਸ-ਜੀਵਨ ਸਾਹਿਤ ਪਹੁੰਚਾਉਣ ਲਈ ਵਚਨਬੱਧ ਹੈ । ਮੇਰੇ ਰਚਨਾਤਮਕ ਸਫ਼ਿਆਂ ਪ੍ਰਤੀ ਮੇਰੀ ਲਗਨ, ਮੇਰੀ ਸੁਭਾਵਿਕ ਪ੍ਰਵਿਰਤੀ ਨੂੰ ਸੇਧ ਵਿਚ ਰਖਣ ਦਾ ਵਾਇਦਾ ਕਰਦੀ ਹੈ। ਇਸ ਵੈਬਸਾਈਟ ਦੇ ਪਿੱਛੇ ਸਭ ਤੋਂ ਵੱਡੀ ਮਾਰਮਿਕ ਸ਼ਕਤੀ ਮੇਰੇ ਦਿਲ ਦੀ ਕੋਠੜੀ ਵਿਚੋਂ ਵਹਿੰਦੀ ਖਰਿਆਈ ਦੀ ਧਾਰਾ ਹੈ । ਬਸ ਦਿਲ ਹੀ ਇਸ ਦਾ ਸਾਰ ਤੱਤ ਹੈ ਅਤੇ ਦਿਲ ਹੀ ਮੇਰੇ ਇਕਰਾਰ ਦਾ ਠੱਪਾ ਹੈ ਜੋ ਕੇਵਲ ਸਰਬੋਤਮ ਸਾਹਿਤ ਦਾ ਸੁਨੇਹੜਾ ਹੀ ਲੈ ਕੇ ਕੋਰੇ ਕਾਗਜ਼ ਤੇ ਉਤਰਦਾ ਹੈ ।